ໃນວັນທີ 30/11/2017, ສະພາການຄ້າ ແລະ ອຸດສາຫະກຳ ແຫ່ງຊາດລາວ ຮ່ວມກັບ ສະພາ ພັດທະນາການຄ້າ ຮົງກົງ ປະຈຳ ນະຄອນຫຼວງໂຮຈີມິນ ສ.ຫວຽດນາມ ໄດ້ຈັດວາລະພົບປະທຸລະກິດລາວ ແລະ ຮົງກົງ ທີ່ໂຮງແຮມລາວພາຊາ, ນະຄອນຫຼວງວຽງຈັນ ເຊິ່ງມີຫົວໜ່ວຍທຸລະກິດທັງລາວ ແລະ ຮົງກົງ ປະມານ 60 ຫົວໜ່ວຍ ເຂົ້າຮ່ວມ, ໄດ້ຮັບກຽດກ່າວລາຍງານ ການຄ້າ-ການລົງທຶນ ພາຍໃນ ສປປ ລາວ ໂດຍ: ທ່ານ ທະນົງສິນ ກັນລະຍາ ຮອງປະທານ ສຄອ.ຊລ ແລະ ກ່າວຂໍ້ມູນກ່ຽວກັບ ເມືອງ ຮົງກົງ ພ້ອມດ້ວຍ ການຄ້າ ແລະ ງານວາງສະແດງຕ່າງ ໂດຍ ທ່ານ ນາງ Tina Phan (Director, Indochina) Hongkong Trade Development Council ໃຫ້ຮູ້ວ່າ:
ເມືອງຮົງກົງ ເປັນແຫຼ່ງ ການຄ້າ-ການລົງທຶນ ຂອງພາກທຸລະກິດຈາກທົ່ວໂລກ ທີ່ສາມາດດຶງດູດນັກລົງທຶນ ຫຼື ບໍລິສັດ ໄດ້ເຖິງ 18 ລ້ານຄົນ ຂອງ 2017 ຫຼື ຫລາຍກວ່າປະຊາກອນ 10 ເທົ່າ, ມີ 1,400 ບໍລິສັດ, ຫ້ອງການຜູ້ຕາງໜ້າ 1 ພັນກວ່າ ຫ້ອງການ, ເຂດການຄ້າເສລີ ອັນດັບທີ 1, GDP = 93% ທາງດ້ານການບໍລິການ, ແລະ ແຜນ ໃນປີ 2018, 20-21/9 ທາງ HKTDC ຈະມີແຜນຈັດງານ In Style.Hongkong at Hanoi, Vietnam ດັ່ງນັ້ນ, ຖ້າຫົວໜ່ວຍທຸລະກິດໃດສົນໃຈເຂົ້າຮ່ວມງານດັ່ງກ່າວ ແມ່ນສາມາດຕິດຕໍ່ພົວພັນ ໄດ້ຕາມ E-mail: tina.phan@hktdc.org or www.hktdc.com
