ນ້ຳໃຈແບ່ງປັນເປັນສິ່ງທີ່ສຳຄັນສຳລັບຜູ້ຂາດເຂີນ.

ວັນທີ 24 ສິງຫາ 2018 ທ່ານ ບຸນທ່ຽງ ລັດຕະນະວົງ ປະທານ ບໍລິສັດ ເມືອງລາວ ສະໜອງສະບຽງອາຫານ ໄດ້ພາຄອບຄົວມາມອບຊຸດນັກຮຽນ ແລະ ອຸປະກອນການສຶກສາໃຫ້ແກ່ເດັກນ້ອຍຢູ່ບ້ານຜາຫຼັງໝູ ເມືອງພູຄູນ ແຂວງຫຼວງພະບາງ,
ທ່ານ ບຸນທ່ຽງ ກ່າວຜ່ານເຟສບຸກສ່ວນຕົວຂອງເພີ່ນວ່າ ” ສືບເນື່ອງຈາກຂ້າພະເຈົ້າໄດ້ມາສົ່ງເສີມການປູກພືດຜັກເມືອງໜາວໃຫ້ເປັນສິນຄ້າຢູ່ໃນເມືອງນີ້ ເລີຍປະກອບສ່ວນຊ່ວຍເຫຼືອແກ່ສັງຄົມ ໂດຍການໃຫ້ໂອກາດດ້ານການສຶກສາ. ເດັກນ້ອຍ ແລະ ຜູ້ປົກຄອງຕ່າງມີຄວາມສຸກໃຈ”

ການບໍລິຈາກຄັ້ງນີ້ໄດ້ຮັບການປະກອບສ່ວນຈາກບັນດາທ່ານທີ່ມີໃຈເມດຕາຮ່ວມປະກອບສ່ວນມີດັ່ງນີ້:
1. ບຸນທ່ຽງ ລັດຕະນະວົງ ພ້ອມຄອບຄົວ 5,000,000ກີບ
2. ດຣ. ກຳໄລທິບ (ດຣ. ປຸ້ຍ) 10,000ບາດ
3. ທ່ານ ເດໂຊ 10,000ບາດ
4. ທ່ານ ນາງ ດາວນະພາ ວໍລະວົງສາ 1,000,000ກີບ
5. ທ່ານ ປະກາສິດ ຈັນທະປັນຍາ 500,000ກີບ
6. ທ່ານ ສັງຂານ ພະຈັນທະວົງ 500,000ກີບ
7. ທ່ານ ວິໄລເລີດ ພ້ອມດ້ວຍພະນັກງານ ບສ ໄອຈອບ ຈຳກັດ 500,000ກີບ
8. ທ່ານ ນາງ ເກດອຳພອນ ພ້ອມດ້ວຍພນງ ຮ້ານນ້ອງນ້ອຍ 1,000,000ກີບ
9. ຮ້ານ ຕ໋ອງ ເຟີນິເຈີ 500,000ກີບ
10. BAYTHONE LORVANXAY 100,000ກີບ
11. PHOUNSUP CHITPASEUT 200,000ກີບ
12. ອຈ ວຽງສະກຸນ ນາປະເສີດ 100,000ກີບ
13. ທ່ານ ວັນນຽນ ແສງຄຳຢອງ 300,000
14. ທ່ານ ນາງ ໄພດາວັນ ໄຊຍະເສນ ປະກອບສ່ວນເປັນກະເປົານັກຮຽນ
ລວມມູນຄ່າ: 9,700,000ກີບ ແລະ 20,000ບາດ
ກິນຈະກຳດັ່ງກ່າວເກີດຂື້ນໄດ້ຍ້ອນໄດ້ຮັບການເອົາໃຈໃສ່ເປັນເຈົ້າການໃນການປະສານງານຂອງທ່ານ ອານຸສິນ ພົມຮັກສາ ( Anousin Phomhacksa) ແລະ ທ່ານຄຳຜຸຍ ກິນດາວົງ ປະທານແນວລາວສ້າງຊາດເມືອງພູຄູນ ແຂວງຫຼວງພະບາງ
ເມືອງ ພູຄູນ ເປັນເມືອງໜຶ່ງທີ່ສຳຄັນໃນແຂວງຫລວງພະບາງ, ເປັນເມືອງທີ່ມີການທຳມາຫາກິນດ້ວຍທຳມະຊາດ ມີພືດພັນນາໆສະນິດຫລາກຫລາຍ