ເຊື່ອແນ່ວ່າຫຼາຍໆທ່ານອາດຈະຢາກຮູ້ວ່າລາຄາສິນຄ້າໃນທ້ອງຕະຫຼາດຕ່າງແຂວງໃນປັດຈຸບັນມີລາຄາເທົ່າໃດ ເພື່ອຈະເປັນຂໍ້ມູນໃນການຊື້-ຂາຍ ໂດຍສະເພາະສິນຄ້າປະເພດພືດຜັກທີ່ມີຄວາມຈໍາເປັນຕ້ອງເອົາມາປຸງແຕ່ງອາຫານປະຈຳວັນ ວ່າໃນແຕ່ລະອາທິດມີການຂຶ້ນ – ລົງຄືແນວໃດ?. ສະນັ້ນ, ລາຄາສິນຄ້າຕົວຈິງທີ່ສັງລວມຈາກພະແນກອຸດສາຫະກຳ ແລະ ການຄ້າ 5 ແຂວງ ຄື: ແຂວງສາລະວັນ, ຊຽງຂວາງ, ສະຫວັນນະເຂດ, ອຸດົມໄຊ ແລະ ແຂວງວຽງຈັນ ປະຈໍາອາທິດ ວັນທີ 7 ພະຈິກ 2018 ຜ່ານມາວ່າມີການຂຶ້ນລົງແນວໃດເມື່ອທຽບກັບອາທິດກ່ອນໜ້ານັ້ນ?
ແຂວງວຽງຈັນ ເຫັນວ່າລາຄາສິນຄ້າປະເພດພືດຜັກ ຍັງມີການເໜັງຕີງຂຶ້ນ – ລົງ ບາງລາຍການ ເຊັ່ນ: ຜັກຫອມປ້ອມ ລາຄາ 30 ພັນກີບຕໍ່ກິໂລ ໃນອາທິດຜ່ານມາ ອາທິດນີ້ຫຼຸດລົງ 25 ພັນກີບຕໍ່ກິໂລ, ຜັກຫອມລາບ ລາຄາ 25 ພັນກີບຕໍ່ກິໂລ ໃນອາທິດຜ່ານມາ ອາທິດນີ້ ເພີ່ມຂຶ້ນ 30 ພັນກີບຕໍ່ກິໂລ; ຂະນະທີ່ແຂວງສະຫວັນນະເຂດ ຜັກສະຫຼັດ ລາຄາ 5 ພັນກີບຕໍ່ກິໂລ ໃນອາທິດຜ່ານມາ ອາທິດນີ້ ເພີ່ມຂຶ້ນ 10 ພັນກີບຕໍ່ກິໂລ, ໝາກເຫຼ່ນ ລາຄາ 5 ພັນກີບຕໍ່ກິໂລ ໃນອາທິດຜ່ານມາ ອາທິດນີ້ເພີ່ມຂຶ້ນ 10 ພັນກີບຕໍ່ກິໂລ. ນອກຈາກນີ້, ຍັງມີລາຍການສິນຄ້າອື່ນໆທີ່ມີການເໜັງຕີງຂຶ້ນ – ລົງໃນຕະຫຼາດ 5 ແຂວງ.
ເຊິ່ງລາຍລະອຽດບັນດາລາຍການ ແລະ ລາຄາສິນຄ້າຕົວຈິງທີ່ສັງລວມຈາກ ພະແນກອຸດສາຫະກຳ ແລະ ການຄ້າ 5 ແຂວງ ປະຈໍາອາທິດວັນທີ 7 ພະຈິກ 2018 ມີດັ່ງຕາຕະລາງລຸ່ມນີ້:
