ສະພາການຄ້າ ແລະ ອຸດສາຫະກຳ ນະຄອນຫຼວງວຽງຈັນ(ສຄອ.ນວ) ຈັດສຳມະນາກ່ຽວກັບ ການວິເຄາະການເງິນ ແລະ ການລົງທຶນໃນຍຸກ 5 ຈີ ພາຍໃຕ້ການເປັນປະທານກອງປະຊຸມ ຂອງທ່ານ ສັງຄົມ ຈັນສຸກ ປະທານ ສຄອ.ນວ ເຂົ້າຮ່ວມ ມີຄະນະບໍລິການງານ ແລະ ສະມາຊິກຂອງ ສະພາການຄ້າ ແລະ ອຸດສາຫະກຳ ນະຄອນຫຼວງວຽງຈັນ ກວ່າ 40 ບໍລິສັດ
ໃນກອງປະຊຸມ ທ່ານ ຈອນນະຣິດ ສິດທິໄຈວານິກຸນ ເຈົ້າຂອງ ກິດຈະການ ຜູ້ຜະລິດຊິ້ນສ່ວນເຄື່ອງຈັກໃນອຸດສາຫະກຳ ແລະ ຊິ້ນສ່ວນຍານຍົນ ມີປະສົບການເຄີຍເຮັດວຽກັບບໍລິສັດຍີ່ປຸ່ນມາ 8 ປີ ໄດ້ສະເໜີກ່ຽວກັບການຂະຫຍາຍຕົວຂອງການສື່ສານຍຸກຕ່າງຕ່າງ ນອກນັ້ນຍັງໄດ້ເນັ້ນກ່ຽວກັບ 5 ຈີ ເປັນ Internet of think , AI VS Human, ການຊື້ຂາຍເງິນດີຈີຕ້ອນ ແລະ ການພິຈາລະນາກ່ອນການລົງທຶນ
ການຈັດການສຳມະນາໃນຄັ້ງນີ້ ເປັນການເສີມສ້າງແນວຄິດທາງດ້ານການລົງທຶນ ແລະ ການເປີດກວ້າງ ສູ່ການຂະຫຍາຍຕົວຂອງ ການສື່ສານໄຮ້ພົມແດນ ເຊິ່ງຈະມີຜົນຕໍ່ການວາງເປົ້າໝາຍທາງທຸລະກິດ ແລະ ການປັບຕົວຂອງຕະຫຼາດ
